→ الرجوع للرئيسية
حذف حساب رعايتي
آخر تحديث: نوفمبر ٢٠٢٦
الصفحة دي بتشرح إزاي تحذف حسابك في «رعايتي» (تطبيق المريض) أو «رعايتي للأطباء» (تطبيق الطبيب)، وإيه اللي بيتحذف وإيه اللي القانون بيلزم العيادات تحتفظ بيه. الحذف بيتم فورًا بعد تأكيده برمز على موبايلك.
من التطبيق
- تطبيق المريض «رعايتي»: حسابي ← الخصوصية ← حذف حسابي.
- تطبيق الطبيب «رعايتي للأطباء»: الملف الشخصي ← الإعدادات ← حذف الحساب.
احذف حسابك من هنا
مش معاك التطبيق؟ اكتب رقم الموبايل المسجّل بيه حسابك؛ هنبعتلك عليه رمز، والرمز بيأكّد الحذف.
حساب المريض: اللي بيتحذف
- الدخول على التطبيق، ورقم موبايلك بيتشال من الحساب (تقدر تسجّل بيه بعدين كحساب جديد فاضي).
- بيانات ملفك: الإيميل والعنوان والمحافظة والمدينة والصورة والرقم القومي وبيانات التأمين وجهة الاتصال للطوارئ.
- رمز الإشعارات وإشعارات التطبيق وطلبات الربط بالعيادات. تذكيرات الأدوية بتقف، والمواعيد الجاية بتتلغي.
- ربطك بالعيادات بيتلغي، فمحدش يقدر يضيف لك سجلات جديدة.
حساب المريض: اللي بيتحفظ ولحد إمتى
- السجل الطبي والمالي اللي عند كل عيادة اتعالجت فيها (الكشوفات والروشتات والتحاليل وملاحظات الزيارة والإيصالات ومطالبات التأمين وموافقات العيادة)، ومعاه اسمك وتاريخ ميلادك والنوع وفصيلة الدم والحساسية والتاريخ المرضي. العيادة هي صاحبة السجل ده وملزمة قانونًا تحتفظ بيه للمدة اللي قوانين مزاولة المهنة والضرايب بتحددها، وبعدها بيتحذف أو يتشال منه اللي يعرّفك.
- سجل إن الحساب اتحذف، وسجل موافقاتك على الشروط وسياسة الخصوصية، كإثبات قانوني.
- النسخ الاحتياطية المشفّرة بتتمسح تلقائيًا خلال ٣٠ يوم.
حساب الطبيب: اللي بيتحذف
- الدخول على التطبيق ولوحة التحكم: الإيميل والموبايل وكلمة المرور، وكل الجلسات المفتوحة ورموز الإشعارات، وصورتك ونبذتك.
- عياداتك بتتقفل: مش بتظهر للمرضى ومينفعش الحجز فيها، والمواعيد الجاية بتتلغي، وتذكيرات الأدوية اللي كتبتها بتقف، وحسابات طاقم العيادة بتتوقف.
حساب الطبيب: اللي بيتحفظ
- السجلات الطبية والمالية لمرضاك، ومعاها اسمك وتخصصك ورقم ترخيصك كمحرّر ليها، للمدة اللي القانون بيحددها. لو محتاج نسخة منها قبل الحذف، راسلنا الأول.
- مدفوعات الاشتراك والفواتير (سجلات ضريبية). الحذف مش بيرجّع فلوس الاشتراك تلقائيًا؛ راجع سياسة الاسترداد.
محتاج مساعدة؟
لو معندكش الرقم ده تاني أو الرمز مش بيوصل، ابعتلنا من support@reayaty.care بالاسم ورقم الموبايل القديم وهنتحقق من هويتك ونحذف الحساب خلال ٣٠ يوم.